कॅलक्युलेटेड रिस्क (अंतिम भाग) (भाग-चार)

आईला निशब्द झालेले पाहून अगस्त्य किंचित व्यंगात्मक हसत म्हणाला, " खरंतर, नवल वाटतंय की तू मला हा सल्ला देत आहेस कारण बाबांना पॅरलिसिस असूनही तू त्यांची काळजीने देखरेख केलीच होतीस ना आणि कमी वयात विधवा होऊनही तुझं बाबांवर प्रेम होतं म्हणून कधी पुनर्विवाहाचा विचार केला नाहीसच ना! प्रामाणिक फक्त स्त्रियांनीच असायला हवे, असा कुठलाही नियम नाही. पुरुषही प्रामाणिक व एकनिष्ठ राहून पौरुषत्व सिद्ध करू शकतात. आई, तुझाच मुलगा आहे गं मी म्हणून गुणही तुझेच आहेत. त्यामुळे मी माझ्या अखेरच्या श्वासापर्यंत फक्त नक्षत्रावरच प्रेम करणार. जर ती नाही तर माझ्या मनात नि आयुष्यात इतर कुणालाही कुठलेही स्थान नाही. "