कॉल गर्ल - भाग २०

अग हो सगळे ठीक आहे. खरं तर मला तू आवडतेस म्हणजे जेव्हा आपण पहिल्यांदा भेटलो होतो पन्नाच्या केबिनमध्ये तेव्हा तू माझ्याकडे एकटक बघत होतीस ते माझ्या लक्षात आले होते. तुला पन्ना ने सावरून घेतल खरं त्या वेळेस पण ते ही मला कळत होत. नंतर मी मुद्दाम तुझ्याशी मैत्री वाढवण्यासाठी पन्ना समोर तू असताना ते मदतीसाठी बोलले. नाहीतर माझ्यासोबत मदतीला एक व्यक्ती येणार होती मी तिला कॅन्सल केलं होत. नंतर जसं आपल भेटणं, बोलणं आणि मैत्री घट्ट होत गेली तेव्हा वाटायला लागलं की तुला सुद्धा मी आवडतं असेन म्हणून तू एवढं छान आणि आपल असल्याप्रमाणे बोलतेस माझ्यासोबत ते मला अजून तुझ्या जवळ आणत होत. एकदा पन्ना समोर सहज मी हे बोलले की मला तू आवडतेस आणि कदाचित तुला सुध्दा मी. तेव्हा पन्ना ने सांगितल तुझ्या आणि देवयानी बद्दल अर्थात तुझ्या देवयानी वरच्या प्रेमा बद्दल. तेव्हा त्यांनी मला एकच सांगितल बघ बाळा.
" तिचं ती पहिलं प्रेम आहे. ते तिने तिच्या मनाच्या कोपऱ्यात बंद करून जपून ठेवलं आहे. अजूनही समाज तेवढा सुधारला नाही की हे सगळे स्वीकारेल. त्यामुळे तिने कधी तिचं प्रेम व्यक्त नाही केलं पण विसरली सुद्धा नाहीय ती. तिच्या आयुष्यात किती ही माणसं आली. किती ही सुंदर मुली आल्या तरी तिचं प्रेम नेहमी देवयानी साठीच राहिलं. "
मला त्यांचं ते बोलणं पटलं. मला लहानपणापासून सगळे मिळत होत. माझे वेगळं असणं सगळ्यांनी समजून घेतल होत. माझे करिअर छान रुळावर होत. माझी कॉलेज लाईफ सगळे सगळे छान होत म्हणून मला असं वाटलं की प्रेम सुद्धा मला सहज मिळेल. पण काही वेळेस मिळविण्यापेक्षा, देऊन बघावं छान वाटतं. तेच मी केलं तुझे प्रेम तुला मिळवून दिलं त्याने मला अजून छान वाटतं आहे.