चक्रव्यूह.. द डार्क साईड ऑफ लाईफ.भाग -१६

“हम्म. त्या चिठ्ठीवरून मला कळलं की बाबा त्यांच्या मृत्यूच्या दोन दिवसापूर्वी जिथे नोकरी मिळावी म्हणून गेले होते त्या इंडस्ट्रीजचे नाव होते, ‘अमृता इंडस्ट्रीज’ आणि त्याचे मालक होते राजीव अधिकारी. त्यांना तिथे कामही मिळाले होते. खूप आनंदात होते ते आणि त्यांच्या आनंदात आणखी भर पडली ती म्हणजे त्या दिवशी खुद्द राजीव अधिकारींचे त्यांना दर्शन झाले होते. एवढे मोठे व्यक्तिमत्व असूनही एका साध्याश्या वॉचमन म्हणून कामाला रुजू होणाऱ्या माणसाशी ते दोन शब्द बोलले ही खूप मोठी गोष्ट होती.” डोळ्यात जमा होत आलेले पाणी पुसत ती म्हणाली.