चंद्रवासी - भाग 4(अंतिम)

“आमचे प्राण तुम्ही वाचवलेत, त्याबद्दल आम्ही तुमचे आभारी आहोत.” सोहमने बोलायला सुरुवात केली.
“ज्यादिवशी आम्ही पृथ्वीवर परत जाण्यासाठी उड्डाण करणार होतो, त्याचदिवशी आमचं यान गायब झालं. त्यामुळे आम्ही इथेच अडकून पडलो. आमचा ऑक्सिजन संपत आला होता. त्यातच त्यादिवशी वादळ झालं आणि आम्ही बेशुद्ध पडलो. शुद्धीवर आलो, तेव्हा तुमच्याकडे होतो. हे यान आमचंच आहे. आम्हाला पृथ्वीवर परत जायचे आहे.”