चूक कुणाची? भाग २

"आपल्यासारख्या सुशिक्षित कुटुंबात असा प्रकार घडतोय याचा मला धक्का बसला आहे. समजा, तू नाही हात पिरगाळला तर मग रश्मी का तसे सांगतेय? तुम्हां दोघींपैकी एक कुणीतरी खोटे बोलतेय. ते कोण आहे हे कसे शोधायचे हा माझ्यापुढे प्रश्न निर्माण झाला आहे."
विद्याचे डोके चक्रावले होते.

'तुझ्यावर डोळे झाकून विश्वास ठेवू, तर तो फोटो समोर दिसतोय. तिच्यावर विश्वास ठेवू तर गेल्या दहा वर्षांतील तुमचे दोघींचे समंजस नाते नजरेसमोर येतेय. काहीतरी मिसिंग आहे यात. ते काय मिसिंग आहे याचा शोध घ्यायला हवा.' मनातल्या मनात विद्याचे विचारचक्र सुरू होते.