माझ्या अकाउंटबद्दल...

नमस्कार, मी निशिगंधा. माझे नाव ऋतुजा आहे व मी 'निशिगंधा' या टोपणनावाने ईरा व्यासपीठावर साहित्य प्रकाशित करत होते. बऱ्याच दिवसांपूर्वी मी लिखाण थांबवल्याचे आपल्या निदर्शनास आले असेल. आपली जी गैरसोय झाली त्याबद्दल मनःपूर्वक क्षमा मागते. मी आधी माझ्या आईच्या इमेलवरून लिखाण करत होते आणि आता स्वतःच्या ईमेलवर हॅन्डल करत आहे. इराला माझ्या आईचा ईमेल ऍड आहे. जो बदलण्याची प्रोसेस मला अजूनही माहित नाही. मी रंग प्रेमाचा, राजनंदिनी आणि काही लघुकथा ईरा व्यासपीठावर प्रकाशित केल्या आहेत. काही कारणास्तव मी या व्यासपीठावर लिखाण पूर्ण करू शकत नाही. कारण त्याच कथा मी प्रतिलिपि या व्यासपीठावर पूर्ण केल्या आहेत. कोणतीही कथा आधी इरावर पूर्ण करायची असा नियम असल्याने मला त्या पुन्हा इथे टाकता येणार नाहीत. त्यामुळे माझ्या या व्यासपीठावरील सर्व कथा आहेत तितक्याच असतील.
मी ऋतुजा "निशिगंधा" या नावाने प्रतिलिपि व्यासपीठावर लिखाण करत असून, माझ्या कथा आपण आता तिथे वाचू शकता. ईरा व्यासपीठ अतिशय सुंदर व्यासपीठ आहे. मात्र कथा डिलीट करून इथे पोस्ट करणे शक्य नसल्याने मला कथा अर्धवट सोडाव्या लागत आहेत. भविष्यात पुन्हा लेखनाला हवा तितका वेळ उपलब्ध होऊ लागला, तर मी ईरावर लिहिण्याचा विचार नक्की करेन. प्रतिलिपिवर माझ्या कथा या मीच प्रकाशित केल्या आहेत याची खात्री व्हावी म्हणून ही पोस्ट प्रकाशित करत आहे. इरावरील अनेक कथा काहीजण थेट स्वतःची कथा म्हणून वापरत आहेत. माझ्या बाबतीत तसा काही गैरसमज होऊ नये म्हणून मी माझ्या ईरा अकाउंटवरून माझ्या प्रतिलिपि अकाउंटबद्दलची माहिती इथे अधोरेखित करत आहे. माझ्या कथा पूर्ण स्वरूपात प्रतिलिपीवर उपलब्ध आहेत.