रंग प्रेमाचा! - ०६

"काही खास नाही करायचे मी घरात. किचनमध्ये आई जास्त येऊ द्यायची नाही. उगाच काहीतरी फुकट घालवेन अशी भीती होती तिला! ते मी थोडी धडपडी आहे ना, त्यामुळे. कॉलेज संपलेलं होतं. त्यामुळे बाहेर फिरण्याचाही प्रश्न नाही. तसं मला प्रवास आवडत नाही. आय एम होमसिक परसन. हॉबीज तर पेंटिंग करायला आवडतं, पण त्याला मूड असावा लागतो आणि कधी कधी असंच गात राहायला आवडतं. पण माझं गाणं बाथरूम सिंगिंगपर्यंतच मर्यादित आहे."