रंग प्रेमाचा! - भाग १२

"तू आणि तुझा बॉस दोघेही उडत जा. फुलिश, मूर्ख वगैरे सगळं तुमची आहात. मी नाही. परफेक्ट फॅमिली टाईप वातावरण निर्माण करण्याचा प्रयत्न करतेय मी. पण काही चांगलं करायला जावं तर किंमत नाही आहे त्यांना. स्वतः काहीतरी भाजीपाला खात राहतील आणि मुलांनाही तेच खायला लावतील. ३६५ दिवस तोच तोचपणा! आमच्या जेवणाची पद्धत माहित नाही म्हणे! खात बसा काहीतरी बाहेरचं. पाणी पण देऊ नये मी तुमच्यासारख्यांना असं वाटतंय मला. नाहीतर त्या पाण्यात पण दोष दिसतील तुम्हांला. हात नाही लावायचा त्या भजीला. अन्न आहे ते! डस्टबिनमध्ये टाकायचं नसतं अन्न हे सांग तुझ्या बॉसला जाऊन. आला मोठा मला मूर्ख म्हणणार. अक्कलशून्य डेव्हील प्रिन्स कुठला! मी खाईन ते. आता तूच जा ते टिफिन तयार कर आणि मुलांना पाठव तयार करून शाळेत. सगळं तुमचं तुम्ही करत बसा काय ते."