कॉन्फिडेंशीअल (भाग १)

‘ह्यात दिलंय की हा रोग… म्हणजे… माझं तर असं कुठंच काहीच नाही, मी असलं कधी काही केलंही नाही… म्हणजे तोच… त्याच्यामुळं मला हा रोग झालाय! माझी अशी प्रतारणा त्यानं का म्हणून केली असेल? कुठं कमी पडले होते मी? शेवटी पुरूषच तो, त्यानं दाखवून दिलं.’ आलेला हुंदका कसाबसा दाबत ती मनाशीच पुटपुटली. तेवढ्यात त्याचा फोन आला. त्याचं नाव बघताच तिला हातातला मोबाईल फेकून द्यावा वाटला. तिनं स्वतःवरच चिडून फोन बॅगमध्ये टाकला.