समजुतीची वाट साथसोबतीने भाग ४

बघता बघता दसरा आला. एक छानसा घागरा घालून रीमा तयार झाली. कुर्ता पायजमा घालून राहुलही तयार होता. गीताताई,विणाताई,माधवराव,वसंतराव आणि गौरव तसेच रीमा राहुलचे दोन-तीन अगदी जवळचे मित्र मैत्रिणी यांच्या सानिध्यात रीमाच्या घरी राहुल आणि रीमाचा साखरपुडा पार पडला.
फेसबुक इंस्टाग्राम वर फोटो अपलोड झाले. सगळ्या मित्र मंडळांकडून आणि नातेवाईकांकडून अभिनंदनचा पाऊस पडला.
रीमा आणि राहुल यांना आता दिवाळीनंतर लग्नाची जी तारीख निघाली त्याचे वेध लागले होते. खूप काही तयारी करायचीच नव्हती. जवळच्या नातेवाईकांना फोनवरून आमंत्रण गेले. लग्नाच्या आदल्या दिवशी सारे नातेवाईक त्या त्या घरी जमले.
दुसऱ्या दिवशी देवळामध्ये विवाह सोहळा पार पडला. देवा ब्राह्मणाच्यासाक्षीने राहुल आणि रीमा जन्मभरासाठी एकमेकांचे झाले.