समजुतीची वाट साथसोबतीने भाग ५ अंतिम

रीमा चे बोलणे ऐकून राहुललाही मनातून उभारी मिळाली. नोकरी गेली म्हणजे सारे काही संपले असे नाही, तर आपण वर्षभरापूर्वी जो निर्णय घेतला होता त्याच्यामुळे आज आपण निर्धास्तपणे नवी सुरुवात करू शकतो. याचे त्याला समाधान वाटले.
त्याने रीमा सोबत सहा महिने काम करायचे ठरवले. सहा महिने नाही जमले तर पुन्हा नोकरी करण्याचा मार्ग त्याच्यापुढे खुला होताच.
राहुलने मनापासून मेहनतीला सुरुवात केली. सहा महिन्यांमध्ये आठ नऊ बँका आणि तीन-चार शाळांचे चांगले स्टेशनरी पुरवण्याचे कॉन्ट्रॅक्ट मिळाले आणि आता तर त्यांना गोडाऊन साठी अजून जागा घेण्याची गरज पडली. वसंतराव माधवराव यांनी पुन्हा एकदा दोन्ही मुलांना मदत केली आणि दोघांचे आयुष्य खूप चांगल्या पद्धतीने मार्गी लागले.
समजुतीची वाट ते साथसोबतीने चालत होते.
लग्नासारख्या गोष्टीवर केवळ दिखावा करण्यासाठी खर्च न करता आपले आयुष्य उभे करणारे रीमा राहुल खूप जणांपुढे पुढे आदर्श ठरतील यात शंकाच नाही.