कोरोना (एका सामान्य नवऱ्यासाठी)

       ऐका हो ऐका ‌ऽऽ ताई, माई, आक्का

          उद्यापासून लॉकडाऊन आहे बरं का....

        बाबारे हे लॉकडाऊन आहे तरी काय?

           साऱ्या जिंदगीत आपण कधी ऐकल नाय....

        काय तर म्हणे करोना आला

           त्याने म्हणे अनेकांचा जीव की हो गेला.

        ह्या बातम्यांनी आमच्या मनात भरली की हो धडकी

          मी ही ठरवलं मग दूध - हळद प्यायची सारखी.

        रोज मग केला मारा 

            काढे आणि व्हिटॅमिनचा

         घेतला ठाम निर्णय 

            करोनाला हरवयचा.

         मला वाटले घरात बसून काम

            म्हणजे मज्जा येईल

         नाही सकाळची गडबड

            अन् लोकलची घाई

         पण,कसले काय,झाले उलटेच

         बॉसचे सोडाच,बायकोचे पारडे झाले मोठे.

         एकीकडे करतो मी ऑनलाईन काम

            तर दुसरीकडे गाळतो केर - लादी पुसून घाम.

          बायको म्हणते माझी हक्काची माहेरची सुट्टी 

              या करोना मुळे गेली

           आता तुम्हीच करा काम 

               मी गेले समजून माहेरी.

          मला पण माहेरची सुट्टी आता मिळेल,

          तुम्हालाही माझी किंमत पण कळेल.

         कसले काय! या कारोना ने माझे वांदे केले 

         ऑफिसमध्ये फाईलवर सह्या करणारा मी

           पण मला घरातला रामू काका केले.

          ऑफिसमधील ज्युली माझ्या स्वप्नात येते

   तिच्या मधुर आवाजात मला Good morning म्हणते

    तिच्या मधुर आवाजावर भाळून 

         मीही तिला Good morning म्हणतो

      भर मध्यरात्री Good morning ऐकून

         बायकोचा पारा चढतो.

      कोणती सटवी आली स्वप्नात ?

      बायको मला विचारते,

      तिच्या प्रश्नांमुळे माझे धाबेच दणाणते.

     माझी प्रार्थना आहे शास्त्रज्ञ आणि डॉक्टरांना

     घालवा लवकर या करोनाला.

     जग कसे मग पुन्हा सुरळीत होईल

     सगळ्यांना आपापले आयुष्य जगता येईल.

     करोना करोना जरा दया आमच्यावर दाखव

     तुलाही बायको असती तर ......हा विषय तू आठव

                      हा विषय तू आठव.....

                प्रीती महाबळेश्वरकर.