द बॉस - The Boss (पर्व 2- भाग 31)

"मला भैरव सरांनी ही गोष्ट सांगितली आणि मला वाटलं की भैरव सरच आहेत जे आईला तिचा सन्मान परत मिळवून देतील. त्यांना इथे आणणं भाग होतं. पण ते मिस्टर रॉन चे शत्रू बनून आले असते तर काहीही फायदा नसता झाला..याउलट शत्रूच्या गोटात शिरून काहीतरी होण्याची शक्यता होती. त्यामुळे त्यांना मी ही ऑफर स्वीकारायला लावली, त्यातून ते अमेरिकेला आले. आणि त्यांनी पुढचं काम अगदी लीलया पेललं..आईला मुद्दाम हे सांगितलं नाही, कारण मिस्टर रॉन आईवरही नजर ठेवून होता. भैरव सोबत वाईट पणाचं नाटक करणं तिला जमलं नसतं आणि मिस्टर रॉनला संशय आलाच असता. त्यामुळे अगदी शेवटच्या क्षणापर्यंत आईला कळू दिलं नाही. या काळात जेव्हा आईला त्रास झाला तेव्हा वाटलेलं की आईला खरं खरं सांगून द्यावं..पण तेव्हा परिस्थिती अशी होती की काय करावं काहीच सुचेना..आपण नव्या कंपनीत आखलेले प्लॅन्स आहे त्या बजेटमध्ये पूर्ण होणार नाही हे माझ्या लक्षात आलं..याला एकच पर्याय होता, the face of America चं ऑफिस आणि इथला स्टाफ एकत्र यावा, कंपनी एकत्र व्हावी, कारण इथलं बजेट खूप आहे, इथे पैशाची चिंता नसणार आहे...आईवर आलेलं आर्थिक संकट मला समजत होतं, त्यामुळेच हे सगळं..आणि भैरव सरांना आपल्या आयडियाज मीच सांगितल्या..जेणेकरून मिस्टर रॉन त्याच्यावर खुश होतील, त्याला सर्वाधिकार देतील आणि मिस्टर रॉनचा फुगा खूप फुगेल...आणि आज मुद्दाम असं सगळं घडवून आणलं गेलं ज्याने तो फुगा फटकन फुटेल.."