डॅशिंग दांडेकर - भाग २

स्त्रियांना नेहमी माणसे दुय्यम घटक म्हणून हिणवतात हे तिने बऱ्याच ठिकाणी पाहिले होते. पण आपल्या घरात मात्र असे नाही. त्यामुळे ती आनंदी होती. घरात मोठा भाऊ यश, मोठी बहीण सानू, आजी, आई सर्वांची ती लाडकी बनली होती. ती होतीच तशी, सर्वांना आपलेसे करणारी, हळूच खोड्या काढणारी, जराशी अल्लड पण चलाख, हजरजबाबी, कुठे काही वाईट घडत असेल तर, तिथे स्वतः जाऊन नीट करून येणारी. एकदम बिनधास्त आणि बेधडक. तिचे व्यक्तिमत्व डॅशिंग बनले होते. फक्त एका व्यक्तीच्या प्रेमापासून ती पोरकी होती. ते म्हणजे तिचे वडील. त्याचे तिला सुरुवातीला खूप वाईट वाटायचे. पण नंतर तिने याची स्वतःला सवय लावून घेतली होती. पण तरीही मनात हा विचार आला की ती अस्वस्थ व्हायची.