देवी रक्षति रक्षितः.. भाग ५४

"चला.. मंदिरं बघणार म्हणे.." नाक मुरडत जयंती म्हणाली. यथेच्छ बाहेर खाऊन चौघेही हॉटेलवर आले. कपिल बहुतेक खूपच जास्त दमला होता. तो लगेचच झोपला. बाहेर पडल्यापासून पहिल्यांदाच पार्थ, जयंती आणि शांभवी तिघेच होते. जयंती मोबाईलवर काहीतरी करत होती. शांभवीचे तिच्याकडे लक्ष होते. करू की नको हा भाव तिच्या चेहर्‍यावर दिसत होता. पार्थही बेडवर लोळत होता. जयंतीने एकदा पार्थकडे आणि नंतर शांभवीकडे बघितले. ती तिच्याकडेच बघते आहे, हे बघितल्यानंतर ती कसनुसं हसली.