धाडस भाग १

ते ऐकूनही रमाने ती साडी नेसली, आणि ती देवाला नमस्कार करायला देवघरात गेली. खरंतर लग्न झाल्यापासून सासरच्या माणसांचे सारखेच टोमणे ती ऐकून घेत होती. तिच्या भावाने तिला कसली साडी आणली याबद्दल त्यांनी नाराजी दाखवण्याचे काहीच कारण नव्हते. साडी ती नेसणार होती, पण काही माणसांना इतरांना कमीपणा दाखवून देण्यात आनंद मिळतो. बरं, नवऱ्याला काही बोलावे तर त्याची ही याला मूकसंमती होती हे तिच्या लक्षात आले होते. त्यामुळे ती शांतपणे सुनंदाताईंचे लागट बोलणे गुपचूप ऐकून घेत होती.