धागा प्रेमाचा भाग ४

"छुटकी आणि ताई दोघी.. या घराच्या मुली आहेत. ताई सासरी गेली उद्या आपली छुटकी तिच्या सासरी जाईल. ताई सारखं मोठ मन आपल्या छुटकीने केलं तर त्या, दोघींचं हे घर जन्मभर ऋणी राहिलं नेहमीसाठी. बावीस पंचवीस वर्ष ह्या मुली ज्या घरात लहानाच्या मोठ्या झाल्या ते घर सोडून जाताना त्यांच्या मनात किती घालमेल होत असेल. मग कधीतरी, त्या ह्या घरात येतील तेव्हा, त्यांच स्वागत हसत मुखाने व्हायला हवं. त्याचं स्वागत करून आपण त्यांच्यावर उपकार करतोय, असं नको वाटायला त्यांना. या घराचे दरवाजे त्यांच्यासाठी नेहमी खुले असायला हवे. पंकज बोलत होता प्रेरणा ऐकत होती.