धाकटी सून (भाग ३)

"घरात वॉशिंग मशीन असूनसुद्धा कपडे धुण्यासाठी मशीन वापरायची नाही, सकाळी पण स्वयंपाक करताना मसाला मिक्सरमध्ये फिरवायचा नाही, काय तर म्हणे त्या खलबत्त्यात कुटायचा! घरात चॉपर असूनही कोशिंबिरीसाठी काकड-टोमॅटो सुरीनेच बारीक चिरायचे! उपकार ती तशी जुनी विळी नाहीये भाजी चिरायला! अजून काय काय नियम आहेत यांचे काय माहिती? सगळं मुद्दाम त्रास दिल्यासारखं…!" सायली मनातच बोलत होती आणि थोडी फार चिडली होती. आपली चिडचिड विनाकारण राधाताईवर निघू नये म्हणून ती मुद्दाम शांत बसली होती.