दिल विल...३

देवाच्या पाया पडताना डोळे मिटलेले की पुन्हा त्याचा चेहरा आला डोळ्यांसमोर. " का हा असा छळतो मला बाप्पा...? का...? ह्या गौत्या मुळे अजूनच आठवण येतेय त्याची. देवा बाप्पा... प्लीज. तो येऊ नये लग्नाला. जर तो आला तर...? मग तर माझं काही खरं नाही. देवा... एवढं तरी ऐक माझं. मला माहित आहे... माझी कोणतीच प्रार्थना तुझ्यापर्यंत नाही पोहोचत. नेहमी जे मी मागते त्याच्या उलट मिळतं मला. पण कधी बोलले नाही मी. आज ऐक बरं...." ती हात जोडून बाप्पा शी बोलत होती. त्यांनतर आई बाबांचा आशिर्वाद घेऊन ती बाहेर पडली. आणि मोकळा श्वास घेतला तिने. घरापासून जवळच बस स्टॉप होता. ती चालत तिथपर्यंत जाणार होती.