DINK भाग 8

"मॅम तुम्ही ऐकत आहात ना?" हर्षाने पिहूच्या खांद्याला हात लावून विचारलं, "स्वाती, माझी लहान बहीण, बाळ झाल्यावर फार चिडचिडी झालेली. आपल्याकडे फक्त सव्वा महिना बाळंत बाईला आराम तेही ती माहेरी असेल आणि सासरी मंडळी व्यवस्थित असतील तर. नाहीतर काही खरं नाही. त्यात हे असे कर, ते तसे कर आणि शब्दा शब्दात आईचा उध्दार करणारीच जास्त. तिला तिच्या घराच्या किटकिट मधून जरा विसावा मिळावा म्हणून तिच्या सासूबाईच्या खूप विनवण्या करून मी तिला मोकळ्या हवेत फिरायला घेऊन जाण्याच्या उद्देशाने गोव्याला घेऊन गेले. रेल्वेत तुम्ही भेटलात. इशू झाला. काय करणार लहानपनापासून शिकवण मिळालेली कि आईपण सगळ्यात महत्वाचे. पण तुम्ही वेगळ्या विचाराच्या. तुमचा राग राग झाला. स्वातीला चांगले वाटावे म्हणून मी तुमचा व्हिडीओ सोशल मीडियावर टाकला. तेव्हा आम्हाला माहित नव्हतं कि इशू इतका मोठा होईल. रात गई बात गई या उक्ती प्रमाणे लोकं जसं इतर गोष्टी विसरतात तसेच हेही विसरतील. पण झालं उलटंच. आता सगळं तुमच्या हातात आहे. स्वातीने तिचा गुन्हा कबूल केला तर जन्मभर तिचे सासू सासरे तिला टोमणे मारतील. तिचे जगणे हराम करतील."