DINK भाग 9

"अगदी खरं आहे आणि म्हणूनच आजच्या काळात तरी प्रत्येक स्त्रीला पैसे कमवायची अक्कल असायलाच हवी." पिहू स्वतःला थांबवू शकली नाही, " तुझ्या बहिणीला समजावून सांग. आपण सहन करतो तेव्हा पर्यंत सर्वच आपल्याला गृहीत धरून चालतात. त्यांना वाटतं हिला काहीही बोललं, काही म्हटलं तरी काहीच फरक पडणार नाही. तेव्हा आपल्याला काही पटत नसेल, दुखत असेल खूपत असेल तर ते त्यांना बोलून दाखवायचं. सांगायचं त्रास होतो. स्त्रिया आतल्या आत स्वतःच्या आत सर्व साठवून ठेवतात आणि ज्या पोटच्या गोळ्यांवर सर्वात जास्त प्रेम करण्याचा दावा करतात, पुढे त्यांच्यावरच सगळा राग काढतात. तेव्हा आतापासूनच बोलायला शिकलेलं बरं तेव्हा कुठे ती तिच्या मुलीला तिच्यापेक्षा चांगले आयुष्य देऊ शकेल. "