DINK भाग 25

पिहू आणि तेजस च्या गाठीभेटी वाढल्या. हळू हळू त्यांना एकमेकांचे गुण दोष समजून येऊ लागले. तरीही त्यांनी गुणांसारखे दोषासोबतच एकमेकांचा स्वीकार करणे सुरू केले. दरम्यान रिद्धीची डिलिव्हरी जवळ आली. ऑफिसमध्ये आपल्या एका स्थानावर पोहोचलेल्या रिद्धीलाटीची पत प्रतिष्ठा सोडून जाणे फार कठीण होते. ती बाळाचा जन्म होईपर्यंत काम करू इच्छित होती मात्र मॅनेजमेंटने असल्या प्रकारची कोणतीही रिस्क घ्यायची नाही असे स्पष्ट सांगून, पंधरा दिवसाची गॅप ठेवून रिद्धीला सुट्टीवर पाठवले. अर्थातच रिद्धीची जागा खाली होताच त्यांनी मार्केटिंग क्षेत्रात अनुभवी असलेल्या त्यांच्या एम्प्लॉयी पिहूला मुंबईला बोलवले. रिद्धी पाहत असलेल्या एका मोठ्या ब्रँडच्या जाहिरात बनवायचे कामही पिहूला सोपवण्यात आले जे रिद्धीला मुळीच रुचले नाही. तिच्या सोबत काम करणाऱ्या व पिहूला नापसंत करणारे तिचे सहकारी वेळोवेळी तिला फोन करून ऑफिसमधील घडामोडी तिच्या कानावर टाकायचे काम करत चोखपने पूर्ण करत होते. त्या सर्वांना पिहूचे जबाबदारी मुक्त, आत्मनिर्भर आयुष्य कुठेतरी खुपत होते म्हणून ते सतत तिला तोडण्याचा प्रयत्न करत. ती मात्र मन लावून तिचे काम करण्यात व करवून घेण्यात गुंतलेली.