दिशा भाग 32

सात वाजता बरोबर आदित्यचा फोन आला. तो तेव्हा चाकण वरून निघाला होता आणि पुढच्या काही वेळात तिथे पोहोचणार होता.
आईशी बोलायचे ते बोलून ती तिथून बाहेर पडली आणि त्याची वाट पाहात बाहेर रोडवर उभी राहिली.
तो आला तसे तिने विचारले "आपण कुठे जाणार आहोत राहायला आज?"
आदित्य ने काही ठरवले नव्हते त्याच्यामुळे त्याने लगेच मोबाइल वर ॲप उघडले आणि जवळच्या एका हॉटेलमध्ये बुकिंग केले.
ते दोघं तिथे पोहोचले तर त्या हॉटेलला पाहून शरयू म्हणाली" काल तर आपण किती मस्त हॉटेल राहिलो होतो आणि आज इथे...?"
तसे आदित्य हसत म्हणाला "प्रत्येक गोष्टीची सवय असली पाहिजे! कायमच फाईव स्टार मिळेल असं काही नाही" तसे तिने पण हसून मान डोलावली.