दिसतं तसं नसतं म्हणून जग फसतं भाग -३अंतिम

पण त्या आठ दिवसांत मी 'स्व चा' शोध घेतला.मनसोक्त जगून घेतलं.
तिथून जी उर्जा मिळाली ती आयुष्यभर पुरेल.
तिथे फोन बंद.बाहेरचा संपर्कच नाही.पण परतताच घरी सगळेच अगदी तुटून पडलेत.
"घरादाराची काही काळजी होती की नाही? जाऊन बसली तिकडे. फोन बंद. आम्ही कसा संपर्क करणार?आईला बरे नाही तिचे कोण करणार ?"
मी न बोलता कामाला लागले.
पण आता मन मारुन नाही तर अगदी प्रसन्न चित्ताने.स्वत:च्या जीवनाकडे बघण्याचा दृष्टिकोनच बदलला होता माझा.परिस्थितीचा स्विकार करणारी मन:स्थिती बनली होती.
म्हणून मग मी ठरवून टाकलं कोणी कितीही ओरडू देत आपण दरवर्षी आठ दिवस असं जाऊन यायचं ऊर्जा घेऊन परत यायचं पूर्ण वर्षभरासाठीची.