दिवसभर करतेस काय?

"सिरियस काय होतेस म्हणजे! तू जे बोललास ते खरंच सिरियस न होण्यासारखे आहे? कमरेत इतकं मोठ जाड इंजेक्शन घेतलं. पोटाचे सात थर पार करून तुला बाप होण्याचं सुख दिलं. संपूर्ण आयुष्यभराचं दुखणं एका मुलाच्या जन्मावेळी घेतलं. बाळ दिवसा झोपलं असते तेंव्हा जेवणापासून घरातल्या सगळ्या कामांपर्यंत मी एकटी मॅनेज करते. रात्रभर तो जेव्हा रडतो तेव्हा माझ्या कमरेचा त्रास बाजूला ठेऊन संपूर्ण रात्र त्याच्यासोबत एकटीच जागून काढते. तुला उठवत नाही कारण तुला कामावर जायचं असतं म्हणून आणि तू म्हणतोस! 'दिवसभर कामं काय असतात गं तुला, की एक वस्तू जागेवर नीट ठेऊ शकत नाहीस तू?' रोज तुला घर नीटनेटके दिसतं कारण मुलाला सांभाळून घरासाठी तेवढे एफर्ट्स घेते मी. आज मुद्दाम घरातली काहीच कामं केली नाही मी कारण तुला पण कळू दे घर आपोआप साफ नाही राहत. एखादी वस्तू जागेवर नाही मिळाली तर जरा शोधावी. पण तू सरळ सरळ मला अश्या शब्दामध्ये बोलतोस म्हणजे काय अर्थ घ्यावा मी?" आलेला हुंदका आवरत श्रेया म्हणाली.