घटस्फोट एक पुनर्विचार १

मानवच्या डोळ्यातले पाणी तसेच वाहत होते. महिनाभरापूर्वी सायली भांडण करून घरातून निघून गेली होती. त्याने तिला समजावून घरी आणण्याचा खूप प्रयत्न केला होता. त्याच्या आई-वडिलांनी सुद्धा तिच्या घरच्यांना फोन लावला होता पण त्यांनी त्यांचा एकही कॉल उचलला नव्हता आणि म्हणूनच मानवने त्यांच्या घरी आपल्या आई-वडिलांना पाठवले नाही. आणि आज घरात कोर्टातून घटस्फोटाचे पेपर आले होते. ते बघून आई-वडिलांच्या पायाखालची जमीन हादरून गेली होती. त्यांनी लगेच मानवला फोन करून घटस्फोटाच्या कागदांबद्दल सांगितले. तोही ऑफिसमध्ये सुट्टी टाकून घाईगडबडीतच घरी आला होता. त्याला अजूनही विश्वास होत नव्हता की , सायली या टोकापर्यंत जाईल. तिला आपण समजावून घरी आणू. ह्या उद्देशाने तो तिला भेटायला गेला होता पण ती एकाच मतावर ठाम होती. तिला काहीच ऐकून घ्यायचं नव्हतं.