दिव्याखाली अंधार भाग 3

दिवस सरत होते पण वेदिकाच्या घरातील वातावरणात फरक पडत नव्हता.मात्र वेदिकाचा तिच्या शाळेत एक आदर्श शिक्षिका म्हणून तिचा सत्कार करण्यात आला होता. तिच्याबरोबर काम करणाऱ्या शिक्षकांनी आणि तिच्या विद्यार्थ्यांनी तिचे भरभरून कौतुक केले होते. या सगळ्यामुळे वेदिका भारावून गेली होती.आता तिची जबाबदारी ही वाढली होती. तिच्या विद्यार्थ्यांना परीक्षेत चांगले गुण मिळावे म्हणून ती त्यांच्यावर जास्त मेहनत घेत होती पण या सगळ्यात तिच्या मुलांकडे मात्र तिचे दुर्लक्ष होत होते.