दोघांची निवृत्ती: सेकंड इनिंग

"हे बघ नर्मदा, सेवानिवृत्त मी जरी झालो असलो तरी आता तू सुद्धा घरातील कामातून आणि काही जबाबदारीतून मुक्त हो. तू तुझे पूर्ण आयुष्य माझ्या आणि आपल्या मुलांमध्ये वाहून घेतले. आता स्वतःसाठी थोडा वेळ काढ. तुला फिरायला आवडते ना पण तेव्हा पैशाची अडचण आणि मुलांचे शिक्षण ह्यामुळे तुला बाहेर जाता आले नाही. आता तसे करू नको. आपण दरवर्षी आता बाहेर जाणार आहोत. तसेच महिन्याचा एक दिवस नाटक नाहीतर सिनेमा आपण पाहायचा हे मी ठरवले आहे."