डोळस नजर

"आई तू फक्त बाह्यदृष्टीचा विचार करतेस. आज सुमित जे त्याच्या संस्थेतील इतर अंधांसाठी काम करतोय ते किती महान आहे त्याची तुला कल्पना नाही. आई आपण डोळस माणसं फक्त स्वतःपूरती विचार करतो, आपल्या माणसांपूरती विचार करतो. पण या माणसाने सर्व परक्या लोकांना एकत्र घेऊन त्यांना आपलंसं केलं आहे. माझ्यासाठी हे खूप महत्त्वाचे आहे. दुसरं म्हणजे लग्न झाल्यावर सुमितला तिथे संस्थेत राहता येणार नाही. त्यामुळे आम्ही दोघेही इथे तुझ्याजवळच राहू. आम्हाला पण तुझं प्रेम मिळेल. तुला सुद्धा आमचा आधार मिळेल. आता तुझं सुद्धा वय होत चाललय. तुला एकटीला सोडून मी राहिले तर मला नेहमी तुझी काळजी वाटत राहील."