डोळस भाग-१२

"आज सकाळी जे झाले ते काही मला पटले नाही. आमच्या सासूबाईंनी आणि इतर माणसांनी उगाच एका गोष्टीवरून वाद घातला. मला आधीच मध्ये बोलण्यास बंदी घालण्यात आली होती. म्हणून मी काहीच बोलली नाही. तू कशी आहेस हे ह्या लोकांना माहीत नसल्यासारखे वागत आहेत. जे एवढे सज्जन असल्यासारखे वागतात त्यांच्या मुली काय ठीक वागतात का? त्या रंजना काकूंच्या मुली किती वेळ तरी लग्ना आधी गरोदर राहिल्यात पण कोणी याबद्दल काही बोलत नाही. त्यांना तर ह्या मध्ये बोलायचा काहीच हक्क नाही. तसेच त्या मुलाने सांगितले ना की तसे काही नाही तरी त्याला बोलत होते. प्रत्येकाच्या वैयक्तिक गोष्टीत का म्हणून डोकावतात? " अनुजा वहिनी त्यांच्या मनातील गोष्टी व्यक्त करत होत्या.