डोळस भाग-१६

"मी सर्वांची झोपण्याआधी हजेरी घेतली आणि ऑफिस हे वसतिगृहापासून दूर होते तिथे गेले.एकटीला यायला सांगितले म्हणून मी कोणाला सोबत घेऊन गेले नाही.तिथे मी जात असताना अचानक मला जाणवले की कोणीतरी माझा पाठलाग करत आहे.मला भीती वाटली म्हणून मी जलद चालत
ऑफीसजवळ गेले तर ऑफिसच्या दाराला कुलूप होते.मला खोटे सांगितले हे समजले म्हणून मी पुन्हा मागे फिरणार तर विजेचा जोरात आवाज झाला आणि कोणीतरी माझा हात पकडला.नंतर त्या हाताचा स्पर्श माझ्या हाताला आणि चेहऱ्याला होऊ लागला.
तो किळसवाणा आणि नकोसा असणारा स्पर्श मला असहनीय झाला आणि ती व्यक्ती हसताना आणि मध्येच माझे नाव घेताना समजले की ती व्यक्ती म्हणजे तो माणूसच होता जो संस्थापकाचा
विवाहित पुतण्या होता."