डोळस भाग-२१

एकदा शशी सोबत ती त्याच मंदिरात गेली होती ज्या मंदिरात ती हर्षसोबत गेली होती.मंदिरात गर्दी खूप होती आणि त्यामुळे रांगेत काही माणसे मुद्दाम त्याचा फायदा घेऊन काही महिलांनास्पर्श करून त्रास देत होते.शशीने तिचा हात पकडला होता पण मागून येणाऱ्या काही मुलांच्या घोळकाच्या धक्क्याने तो सुटला.
चिन्मयीने नेमकी तेव्हा केन पिशवीत ठेवली होती आणि ती पिशवी शशीकडे राहिली.ती शशी बाजूला असेल म्हणून हात लावण्याचा प्रयत्न करत असताना एका माणसाने तिचा हात धरला.त्याचा हात घट्ट होत असताना तो स्पर्श तिला सहन झाला नाही म्हणून ती झटकत होती.तर त्या माणसाने चिन्मयीचा काळा चष्मा बघून तिला दिसत नाही हे त्याला समजले.पुढे जाऊन तो दुसऱ्या हाताने तिला स्पर्श करणार तर त्यावर एक जोरात हाताने मारले आणि त्या माणसाने वेदनेने तिचा दुसरा हात सोडला.