दोनाचे तीन भाग ३(अंतिम भाग)

असेच दिवस जात होते. एक दिवस भक्तीताईंच्या मोठ्या जाऊबाई आणि भावजी घरी राहायला आले होते. त्यामूळे भक्तीताई जरा नरमाई ने वागत होत्या. नंदनदादा आणि पूनम वहिनी जेवणं झाल्यावर गप्पा मारत बसल्या होत्या. आज अर्णवी घरात नव्हती. सकाळीच गेली होती. सक्षमला यायला उशीर होणार होता. त्यामुळं घरात या सिनियर सिटीझन ने गप्पांचा फड रंगवला होता.
थोडया वेळाने नंदनदादा आणि संकेतराव आराम करायला रूम मध्ये निघून गेले. मग या दोघी जावा बसल्या गप्पा मारत. बोलता बोलता भक्तीने नातवंडांचा विषय छेडलाच.