DINK भाग 31

पिहूने फक्त मान डोलवली. झाले असे होते की पिहू इतरांना दाखवत नसली तरीही आता तिच्या तणावपूर्ण जीवनशैलीमुळे म्हणावे कि वाढत्या वयामुळे कि एकटेपणामुळे तिच्या हार्मोन्सचा बॅलन्स चांगलाच बिघडला. आधीच तिची पचनशक्ती नाजूक त्यात आणखी भर म्हणून तिला बद्धकोष्ठतेचा त्रास होऊन तिचे मूड स्विंग वाढले. तेजस सोबत संबंध ठेवतांना ओटीपोट दुखू लागले म्हणून तिला तोही नकोसा झाला. त्याला सांगून तिच्या परिस्थितीत काय फरक पडणार आहे म्हणून तिने तशी तसदीही घेतली नाही. त्याच्या वाढदिवसाला मात्र एका मैत्रिणीच्या नात्याने ती जाणार होती व काही दिवसांनी त्याला आपलं पुढे काही होऊ शकत नाही असे सांगून त्याच्याशी संबंध तोडणार होती.