DINK भाग 40

पिहू पुन्हा मन लावून काम करण्यावर भर देऊ लागली. पण तिचे चित्त आधीसारखे एका गोष्टीवर टिकून राहने बंद झाले. रिद्धी ऑफिसमध्ये असतांना रोज काही ना काही असे करत असे ज्याने पिहूला त्रास होईल. पिहू घरी आली की शेजारीही रिद्धीच. त्यामुळे तिला एक प्रकारे उदास वाटू लागले. मिसेस कस्तुरीला जणू तिची अडचण समजून आली. त्यांनी रिद्धीला मुंबई ऑफिसचे जनरल मॅनेजर पद बहाल करून पिहूला परत पुण्याला पाठवले. ऑफिसमध्ये चांगलीच गॉसिपिंग सुरू झाली. पिहूने त्याकडे पूर्णपणे दुर्लक्ष केले. तिला माहित होते की तिने कितीही सांगितले, स्पष्टीकरण दिले तरीही तिच्याबद्दल काही ना काही बोलले जाणार आहेच. यावर एकच उपाय कंपनी स्विच करायची. तिने तिचे लिंकडीन (LinkedIn) प्रोफाइल अपडेट केले. ती नव्या जोमाने नोकरीसाठी मुलाखती देऊ लागली व होईल तसे कस्तुरीचे काम सुद्धा पाहू लागली. मात्र कस्तुरीसारखे हाय प्रोफाइल तिला होकार दिलेल्या कंपनीत दिसून आले नाही आणि इतरांना तिच्या विचारसरणीमुळे ती नको होती.