DINK भाग 48

" हा त्या पिहूलाही थँक्यू म्हण. तिने माझे डोळे उघडले. माझ्यासाठी काय गरजेचं आहे, कोणाचे दिसणं महत्त्वाचं नाही तर माझ्या मुलाचं एक कुटुंब असण्याचं स्वप्न माझ्यासाठी गरजेचं आहे, याची जाणीव तिने मला करून दिली. खूपच वेगळी मुलगी वाटली मला ती. म्हणजे बघ ना तिच्या मनात असते तर तिने सहजच मला भूल घातली असती. मंदिरात मिशाच्या बाजूला उभी राहून आरती तिने गायली होती, तिचा आवाज ऐकताच मला वाटलं हीच ती मुलगी जिच्या मी शोधात आहे माझ्या लाडक्या मुलासाठी. पण मिशा काळी असल्याने मी कचकली. मात्र मला गाठून तिने तुमच्या दोघांचे प्रेम किती अतुट आहे. मात्र मला दुखी करून तुम्हाला तुमच्या दोघांचा संसार थाटायचा नाही. माझे मत परिवर्तन होण्याची वाट तुम्ही पाहत आहात. त्यासाठी ती तुमची साथ देत आहे. पण मला धोका देऊन तिला तिचा फायदा करून घ्यायचा नाही म्हणून तिने मला सर्व खरं खरं सांगितले आणि आता पुढील निर्णय तुमच्यावर. मुलगा की त्वचेचा रंग निवड तुमची, आनंद तुमचा. असं बोलून निघून गेली. परत कधी भेटलीही नाही." आईच्या तोंडून पिहू बद्दल ऐकून ललितला वाटले सांगून द्यावे आईला की ती तुझी होणारी मोठी सून आहे पण पिहूचा स्वभाव लक्षात घेऊन त्याने कसलीही घाई न करणेच योग्य समजले.