दोन चेहरे

दुसऱ्या दिवशी सकाळी मीराकडे निघालेली तेव्हा बाबांना पासबुक हवं होतं म्हणून मिलिंदचं कपाट उघडलं तिनं आणि ते शोधताना तिच्या हातात एक लिफाफा आला. कुठल्यातरी पॅथोलॉजी लॅब चा होता तो आणि त्यावर मिलिंदचं नाव होतं.
तिनं सहज म्हणून तो उघडून बघितलं आणि तिच्या पायाखालची जमीन सरकली.
तो पोटंसी रिपोर्ट होता. त्यात लिहिलं होतं की मिलिंद कधीही बाप होऊ शकत नाही आणि त्यावर सात वर्षापूर्वीची तारीख होती.
“यशदा, सापडलं का ते पासबुक??”
बाबांच्या हाकेने ती भानावर आली.
हो बाबा, आलेच. म्हणत ते पाकीट बॅगेत कोंबत पासबुक घेऊन ती खाली गेली.
मी जरा जाऊन येते म्हणत पायात चप्पल सरकवत ती बाहेर पडली.
तिनं मीराला ते रिपोर्ट्स दाखवले.
“ओह, म्हणून तो टाळाटाळ करतोय का डॉक्टरकडे जायला??”
यशू सुन्न झालेली. मीरानं तिला पाणी प्यायला दिलं. थोडी स्थिर झाल्यावर मीरानं तिच्या कानात काहीतरी सांगितलं.