स्वप्नवेडी..! चाप्टर -१ (ट्रेलर)

हे शीतलचंद्रा... तू साक्ष आहेस आतापर्यंतच्या माझ्या जीवनप्रवासाचा. कारण मी अंधारात कधीही कुठेही जात असले तेव्हा तू नेहमी माझ्या डोईवर पहारेकरी बनून माझ्यासोबत असायचास. अंधारात सावली साथ सोडते पण तू कधीच माझी साथ सोडली नाही. म्हणून तू एकमेव साक्षीदार आहेस माझ्या आयुष्याचा... आता मी माझ्या आयुष्यातील शेवटचा काळ अनुभवतेय. त्यामुळे तुझ्याबद्दलची कृतज्ञताही व्यक्त करायची आहे. यासाठी मी कोणता लेख अथवा निबंध नाही लिहिणार तर थेट तुझ्याशी दोन ओळीत माझं हितगुज व्यक्त करणार. मी स्वप्नाली मोहिते... छे छे, हे नाव जगासाठी राहील. पण माझी खरी ओळख ही नावाप्रमाणेच स्वप्नात रमणारी "स्वप्नवेडी" असेल. आणि माझ्या या वेडाला सामावून घेणारा तूच होतास आणि तूच रहावास. यासाठीच माझं दुःख सुख वेळोवेळी फक्त तुझ्यासमोर व्यक्त करत आले. लव्ह यू सो मच...! एवढं बोलून तिने थांबत एक दीर्घ श्वास घेतला.