जसा देश तसा भेस भाग 1

आरती एका निमसरकारी कंपनीत एच आर ऑफिसर पदावर कार्यरत होती. ती ऑफिस मधील सर्वांवर त्यांच्या हालचालींवर लक्ष ठेवून राहत असल्यामुळे तिला सर्वच घाबरून असायचे इतकेच नाही तर तिच्या मागे तिच्या वर बऱ्याच टीका टीपणीही व्हायच्या व बऱ्याच अफवा तिच्या बाबत पसरवल्या जायच्या. तरीही ती एक एच आर या नात्याने ऑफिसमध्ये कुठे काही गडबड किंवा गैर वर्तन तर होत नाही ना याकडे लक्ष देण्याची जबाबदारी पूर्ण करायची. अशी ही आरती सीईओ सरांना भेटून झाल्यावर तीही कॅन्टीनकडे वळली. परीने गरमागरम उपमा व चहा मागवून ठेवला होता. परी ही हसमुख कॉलेज संपवून नुकतीच आरतीच्या हाताखाली तिची असिस्टंट म्हणून कार्यरत असलेली. आरतीची असिस्टंट असल्याने जो तो तिला सुनवून जायचा, गैरसमजाचे बीज तिच्या मनात रुजवायचा प्रयत्न करायचा. मग ती आरती जवळ जाऊन सगळं ओकायची आणि आरती तिला समजावून सांगायची. आजही तिचा चेहरा पाहताच आरतीला समजून आले कि नक्कीच परीला काहीतरी बोलायचे आहे. तेव्हा हातातले काम करून मग निवांत हिच्या सोबत बसून बोलायचे तिने ठरवले होते.