दुभंग (भाग-२)

खूप उशीर गहन विचार केला तरी अग्निशला काही सुचले नाही. काय करावे हे त्याला कळेना. एक हात नाईट पॅन्टच्या खिशात तर दुसरा हात अस्वस्थ होत मानेवरून फिरवत इकडून तिकडे तिकडून इकडे हाॅलमध्ये येरझाऱ्या घालत‌ होता. यातच रात्र झाली.‌ त्याचे लक्ष समोरच्या भिंतीवरील घड्याळाकडे गेले. त्याला एकदम आठवले की राज यावेळी फ्री असेल हे त्याला त्याच्या सेक्रेटरीकडून कळले होते. म्हणून त्याने आधी त्याला फोन लावून सगळी परिस्थिती सांगितली. तेव्हा राजने त्याला दोन दिवसांचा वेळ दिला. त्यावेळेत नवीन हिरोईन भेटली तर ठीक नाहीतर तो फिल्म सोडून देईल असे स्पष्ट शब्दात सांगितले.