दुखणं असंही..

"हो.. परदेशात कंटाळा आला. इथे आपली माणसं तरी आहेत. पण आमचं राहू देत. तूच बोल काय ते. तुझ्या जुन्या गोष्टी ऐकायला खूप छान वाटतंय." सोहम म्हणाला. सोहमच्या बोलण्याने कुंदाताईंना अजूनच उत्साह आला. त्या परत बोलू लागल्या. त्यांच्या गप्पा चालू असतानाच चित्राने मध्येच येऊन स्वयंपाक झाल्याचे सांगितले. चित्राने साधाच पण रुचकर स्वयंपाक केला होता. तोपर्यंत रितेशही ऑफिसमधून आला होता. पोटभर जेवून, गप्पा मारून सोहम आणि रिमा तिथून निघाले खरं. पण कुंदाताईंचा चेहरा सतत त्यांच्या डोळ्यासमोर येत होता.