दुखणं.. अंतिम भाग

"तुला सांगू, लोकांना वाटतं की त्या घरी एकट्या असतात, त्यांनी खूप कष्टात दिवस काढले आहेत. पण आता त्यांच्याशी बोलायला कोणी नाही म्हणून त्यांना शारिरीक आजार सुरू झाले आहेत. पण असं नाही गं. मला सांग मुलं तरी किती वेळा त्याच त्याच गोष्टी ऐकणार? म्हणून मुलं तिथे थांबत नाहीत. रितेश तर घरी नसतोच. आणि असला तरी त्या दोघा मायलेकांचं एकमेकांशी बोलणं वेगळं असतं. तुम्हाला वाटलं होतं की त्यांना मानसिक त्रास आहे म्हणून. पण तुला सांगते, सतत तेच तेच ऐकून मानसिक आजारी तर मी झाली आहे. इतर कोणी आलं आणि मी काही बोलले की तिथेही त्यांनाच बोलायचे असते. मग आपण गप्प बसायचे." चित्राचं बोलणं रिमा अस्वस्थपणे ऐकत होती.