दुरावा भाग - 2

दोघांमध्ये वाटणी झाली. पण त्या दिवसापासून दोघांच्या नात्याल दरी निर्माण झाली होती आणि प्रिया दरी कमी करण्याचा प्रयत्न न करता त्यात काही ना काही आणखी भर घालत होती. दोघांची जोरदार भांडण झाली. मिहिर ने मृणालचा अपमान केला आणि तो तिच्या जिव्हारी लागला. आता मिहिर मृणालचे तोंड पाहायला तयार नव्हता..हे बघून स्वर्गवासी झालेले आईबाबांचा ही आत्मा दुःखी झाली असतील.. मृणालचे माहेर तर पूर्णपणे तुटले होते. याचा तिला खूप वाईट वाटतं होतं. सतत मनात ती टोचणी टोचत होती. राखीपोर्णिमा जवळ आली की तिला खूप त्रास होत होता.. अखेर अस्वस्थ होऊन तिने मिहिरला फोन लावला. मोबाइलमध्ये नंबर सेव होता पण त्याने तो उचलला नाही.. मृणालने पुन्हा फोन लावला. मिहिर ने त्याच्या इगो मुळे तिचे फोन घेतले नाही.