दूसरी बाजू - भाग १

"बरं ठीक आहे. तुला जेव्हा सांगायचं तेव्हा सांग, पण असा शांत राहू नको. तुझी आई बडबड करतेय ती मनाला लावून घेऊ नकोस. तुला तर तिचा स्वभाव माहितीच आहे ना! उगाच स्वतः ची चिडचिड करून घेत असते आणि बीपी वाढवून घ्यायचे काम करते. मी सांभाळतो तिला, पण तू काही बोलू नकोस."
दिलीपरावांच्या बोलण्यात काळजी दिसून येत होती. वयात आलेल्या मुलाशी कसे मैत्रीपूर्वक बोलायचे हे त्यांना चांगलेच समजत होते आणि म्हणूनच त्यांनी कुणालला वेळ द्यायचे ठरवले.