दुसरी बाजू _ शब्दाविना_ भाग १

नाही म्हटलं तरी राधाचं मन खट्टू झालं. तरी तिने मनाला समजावलं आज न उद्या आपण कधीतरी ह्यांच्या स्वभावात बदल घडवू शकू. ती सर्वांशी त्याच पद्धतीने वागत होती. रमेशराव आणि मालती ताई दोघेही शिक्षकी पेशातून निवृत्त झाले होते. तिला वाटायचं शाळेत दोघांनाही खूप बोलावं लागत असावं म्हणून कदाचित ते घरी आल्यावर जास्त बोलत नसावेत. त्यांच्या स्वभावामुळे शेखर पण असाच अबोल झाला असावा. त्या दिवशी असंच झालं. आईंचा वाढदिवस म्हणून तिने ऑफिसमधून येताना त्यांच्यासाठी सुंदर साडी, मोगऱ्याचा गजरा, काजू कतली आणली. शेखर घरी आल्यावर तिने आईंचं औक्षण केलं, त्यांना आणलेल्या वस्तू दिल्या. तिने जाहीर केलं की रात्री आपण सगळे आज बाहेर जेवायला जाऊया. लगेच पुन्हा मालती ताई कडाडल्या,