इ गेमिंग चे मायाजाल

एक दिवस जेवताना “अरे सुदर्शन कुठे आहेत तुझे लक्ष कालपासून मी सारखी पाहते आहे तुझं जेवणात लक्ष नाहीये काय झालं नेमकं ?निरंजन ची काळजी वाटते कां ?”
हे ऐकताच सुदर्शन एकदम जोरात रडू लागला “आई-बाबा मला माफ करा मी खूप चूक करत होतो पण वाचलो ,निरंजन नी मलाही एक गेम डाउनलोड करून दिला होता आणि सांगितले होते या गेम वर पैसे लावले की डबल करून मिळतात पण माझ्याजवळ तितके पैसे नसल्याने मी लावू शकलो नाही .निरंजन त्या गेम मध्ये पैसे लावून हरला परत परत पैसे लावून परत परत हरत गेला आणि निराशेच्या भरात त्याने सुसाईड —असे म्हणून सुदर्शन जोराजोरात रडू लागला.
हे ऐकून आई-बाबाच अवाक झाले ,”अरे आम्हाला नाही का सांगायचं ?हे काय नवीन खुळ डोक्यात ?वाचलास तू थोडक्यात.असे पैसे जर भराभर कमवता येत असतिल तर कोणी मेहनत कशाला करेल? देवाची कृपा म्हणून तू यात पडला नाहीस. आता निमूटपणे नीट अभ्यास कर चांगला पास हो तू खूप पैसे कमवू शकशील पण या अशा मार्गाने पैसे कमावण्याबद्दल विचारही करू नकोस…पैसे कमवायचा हा शाॅर्टकट बरोबर नाही हे “एक मायाजाल “आहे त्यात गुरफटून अनेक तरुण वाया गेले ,