एक होती आवडती - एक होती नावडती ( भाग 1)

वडील गेल्यामुळे गावातल्या घराची सगळी जबाबदारी शेखरवर आली होती. आईच्या बाबतीत प्रत्येक मुलाचं मन हळवं होतं तसं त्याचसुद्धा होतं. त्यात शलाका प्रत्येक गोष्टीत चिडचिड करते असं त्याला वाटायचं. त्यामुळे एकमेकांना समजून घेणं , एकमेकांसाठी वेळ देणं या गोष्टी मागे पडल्या होत्या. आईला कॅन्सर आहे कळल्यापासून तो जास्तच इमोशनल झाला होता. त्याची वहिनी त्याच्याशी गोड गोड बोलून त्याच्याकडून कामं करून घेत होती. पण हे त्याच्या लक्षात येत नव्हतं. त्याच्या दृष्टीने वहिनी आणि आईचं छान पटतं, वहिनी घरात सगळं करते तसं शलाका कधी करणार ? ती फक्त चिडचिड करते. जबाबदारी घेत नाही. असंच चालू होतं.