एक संसार असाही भाग १८

“लग्नानंतरचे दिवस खूप रोमँटिक असतात. त्यात जोडीदार जवळ असावा असं सतत वाटून जातं. नातं टिकवायला दोन मनाचं मिलन होणं तितकच गरजेचे आहे. नशीब माझी मॉम फ्री विचारसरणीची आहे नाहीतर आपलीही हीच गत असती.” गौरी प्रणवच्या मिठीत शिरत बोलली. तिकडे पहाटेचे तीन वाजले होते. आणि अजूनही प्रणव आपल्या घरच्यांशी बोलत जागाच होता. आधी वसंतराव बोलत नव्हते तेंव्हा तो रोज दुःखी असायचा. सतत आपल्या घरच्याची आठवण काढून रडायचा. गौरी त्याला नेहमी समजावून द्यायची. आज ना उद्या आपण नक्कीच आई बाबांना मनवू अस ती सांगायची. अन् आज तिची इच्छा पूर्ण झाली होती. आज कितीतरी वर्षांनी ती आपल्या नवऱ्याच्या चेहऱ्यावर आनंद पहात होती.