एक संसार असाही भाग १९

“ आमच्या वर्गाचे तास चालू होते.. आणि एक मुलगा अमनला बोलवायला आला. अमनला काही कळले नाही तो मात्र मला हा का बोलवतो आहे या अविर्तभावात माझ्याकडे पाहत होता. मग मीच त्याला बघ जा म्हणून बाहेर पाठवले. पण अमन काही जागचा हलला नाही. तास सुटल्यानंतर जाऊ म्हणून मीही शिकवणुकीकडे लक्ष देऊ लागलो.. अमन माझे तुझ्यावर खूप प्रेम आहे.. हे मोठ्या आवाजातले बोल कानावर पडले अन् सर्वजण आवाजाच्या दिशेने पाहू लागलो. तर समोर माझी लाडकी बहिण उभी होती. आणि तिच्याकडे सर्वजण आ वासून पहात होते. अमनला तर जोराचा ठसका लागला. अन् तो या धक्क्यातून सावरतो न सावरतो तोच आमचं शेंडेफळ आमच्यासमोर गुलाबाचे फुल घेऊन उभे होते..”