एक संसार असाही भाग २३

सुमित्रा जरी चुकत असली तरी वसंतराव तिला आजपर्यंत समजून घेत होते. तिची एकुलती एक मुलगी तिला आपल्या मुलाला द्यायची होती. आणि आपल्या मुलाने तिला नकार दिल्यामुळेच ती खवळली होती.हे वसंतरावांना कळत होतं. प्रणव लंडनला गेल्यावर फक्त एकदाच ती आपल्या भावाला भेटायला आली होती. नाहीतर माहेरच्या माणसांशी असलेला संबंध तिने जवळजवळ तोडलाच होता. त्यात प्रणवने गौरीशी लग्न केल्यावर तर तिच्या मिस्टरनी तिला फोनवर बोलण्यास देखील बंधन घातलं होतं. असं असूनही दर रक्षाबंधनला आणि भाऊबीजेला वसंतराव स्वतः बहिणीच्या घरी जाऊन कर्तव्य निभावत असत. एकुलती एक बहिण त्यामुळे तिच्यावर त्यांचा खूप जीव होता. पण तिच्या आडमुठ्या वागण्यामुळे ती स्वतःच सगळ्यांपासून दूर गेली होती.